Мексиканың Гвадалахара қаласында белгісіз біреу АҚШ консулдығының қызметкеріне оқ жаудырды.
24.kz хабарлағандай, Бұл шабуылды автотұрақ аумағына орнатылған бейнекамера түсіріп алған. Абырой болғанда, жарақат алған Америка дипломатиялық миссиясының өкілі тірі қалды. Дәрігерлер оның жағдайын бірқалыпты деп бағалап отыр. Полиция оқ атқан ер адамды іздестіріп жатыр. Оның жеке басы да әлі анықталған жоқ. Күдіктіні қолға түсіруге көмек беретін қандай да бір ақпарат үшін 20 мың доллар сыйақы тағайындалды.