Әнші Мейрамбек Беспаев әлеуметтік желіде Тараз қаласында Ұлттық ойынды дәріптеп, көкпар өткізу туралы шешімге келгені туралы сөз етті.
«Ат — ер қанаты. Атқа қонған палуанның ықыласын,елдің тілеуін тілеген ел-жұрт үлкендердің батасын қашан аласың? Мейрамбектің көкпарын қашан тартамыз? Соңғы кезде ауылға, туған өлкеге барғанда алдымнан көп шығатын сауал. Алғашында бос мақтан үшін деп ел сөгер, жұрт босқа мал шашып жатыр деп айтар… Осындай көп күмәнмен келіспей жүр едім. Көкпар көптікі ғой деген тілеулес дос-жар бір шешімге келтіріп, салым дейтін олжа қорын өздері көтеріп отыр. Салым қоры жиырма бес миллион теңге. «Ол қаржыны неге қайырымдылыққа жұмсамайды» деп алдын ала сөкпеңіздер. Қайырымдылықты көкпарға дейінде жасап келем,көкпардан кейінде жасала береді. Ал несібесі мен еңбегі көкпарға байланған азаматтарды менің де елеуім заңдылық шығар. Сол үшін сіздердің рұхсат-мұрсаттарыңызбен тәуекел еттім. Ұлттық дәстүріміз бен спортымызға қосқан тамшыдай үлесімді қабыл алыңыздар», – деп жазды
JQ-Aqparat