Мәжіліс депутаты сағат 20:00-ден кейін алкоголь сатуға тыйым салуды ұсынды

Мәжіліс депутаты Магеррам Магеррамов дүкендерде алкоголь өнімдерін сағат 20:00-ден кейін, ал кафе мен мейрамханаларда 22:00-ден кейін сатуға тыйым салуды ұсынды, деп хабарлайды jasqazaq.kz.

Мәжіліс депутаты Магеррам Магеррамов алкоголь айналымын қатаң бақылауға алу ұсынысын жолдады. Ол ІІМ статистикасына сүйене отырып, өлтіру оқиғаларының жартысы, зорлық-зомбылық пен бұзақылықтың үштен бірі, тонау оқиғалары мен жол-көлік апаттарының төрттен бірі, сондай-ақ тұрмыстық қақтығыстардың басым бөлігі алкогольдік масаңдықпен байланысты екенін атап өтті.

Ұсынылған шаралар қатарында:

🔹 Оқу орындарынан 100 м-ден жақын жерде алкоголь сатуын шектеу
🔹 Алкоголь сататын бөлшек сауда нүктелерінің санын азайту
🔹 Барлық алкоголь өнімдерін міндетті цифрлық маркировкамен қамтамасыз ету
🔹 Алкогольді сауда жасау уақытын 20:00-ге дейін, ал кафе мен мейрамханаларда  22:00-ге дейін шектеу
🔹 Алкогольді ішімдікті қашықтан сатуын толықтай тыйым салу

Сурет: Depositphotos.com