Мәулен Әшімбаев: Бүгін — егемен еліміз үшін маңызды күн

Парламент Сенатының Төрағасы Мәулен Әшімбаев референдумда дауыс берді, деп хабарлайды jasqazaq.kz.
Мәулен Әшімбаев республикалық референдумның мән-маңызына тоқталып: «Бүгін егемен еліміз үшін маңызды күн. Қазақстанның жаңа Конституциясы жалпыұлттық референдумға шығарылып отыр. Бұл ретте азаматтық белсенділік айрықша мәнге ие. Себебі, мемлекеттік биліктің бірден-бір бастауы – халық. Сондықтан референдумға қатысып, дауыс беру – әр қазақстандық үшін өз құқығын жүзеге асырып, елдің стратегиялық даму бағдарын айқындауға үлес қосатын үлкен мүмкіндік. Сондай-ақ бұл референдум – Президентіміз Қасым-Жомарт Кемелұлы Тоқаевтың «Халық үніне құлақ асатын мемлекет» тұжырымдамасының іс жүзіндегі жарқын көрінісі. Мемлекеттік маңызға ие шешімдер халықтың пікірі ескеріле отырып қабылданады. Осыған орай барлық азаматты ел ертеңіне бей-жай қарамай, референдумға белсенді қатысып, мемлекеттің ұзақ мерзімді дамуын көздейтін мәселеге байланысты өз таңдауларын жасауға шақырамыз. Мұндай маңызды кезеңде әр дауыс үлкен рөл атқарады және ол – жоғары азаматтық жауапкершіліктің белгісі», – деді.
JQ-Aqparat
Сурет: Парламент Сенаты