Әнші Мәдина Сәдуақасова өміріме үлкен жаңалықтар алып келген құрбысы туралы сыр шертті.
Продюсер Айнұр Көпбасарова туралы кеңінен әңгімеледі. Ол әншінің телевизия әлеміне келуіне тікелей себепкер болған. «Өмірімді түбегейлі, жүз пайыз деп айтуға да болады, өзгерткен — осы Айнұр. Жүргізуші ретінде таныстырған, менің өміріме жаңалықтар алып келген… Мен жолдасым Олжаспен сол Айнұрдың бағдарламасында таныстым. «Таң қалмаңыз» бағдарламасында Олжас режиссердің көмекшісі болды, жас бала. Айнұр ұлымның кіндік шешесі. Мен өмірге қыз келеді деп ойладым. Қызды болсам, атын Айнұр қоямын дегем. Ұлымның атын да Айнұрға ұқсатып, Ануар деп қойдық», — деді өнер иесі.
«Мен Мәдинаны қызметкер, жүргізуші емес, сіңлісі ретінде қарадым. Ол маған әпке ретінде бағынды. Өзімнің туған сіңлім жоқ. Мәдина сияқты сіңлі берді Алла. Інімнің де қыздары туылды. Мәдинаға құрбыдан гөрі, сіңлім ретінде қараймын», — деді Айнұр Көпбасарова.