Отандық «Бақыт» фильмінде басты рөлде ойнаған актриса Лаура Мырзахметова түсірілім кезіндегі қызықтарымен бөлісті. Өнер иесі «Әйел энергиясы» бағдарламасында түсірілім барысында темекі шегіп үйренгенін ашып айтты.
«Шын өмірде темекі тартпаймын. Маған режиссер кастингтен өткеннен кейін «Темекі шегесің бе?» деп сұрады. Жоқ десем, «Қазірден баста. Сен кадрде бірнеше жыл тәжірибесі бар адам секілді, 2-3 тартып темекіні тауысуың керек» деді. Сонымен не істеймін? Үйге кеп, темекі шегіп тұрсам, күйеуім «Сенікі жай ма?» дейді. Маған темекі шегуді тапсырды десем, жұбайым «Сонда іш десе, ішесің бе?» деді. Енді менің мамандығым сол ғой. Мен темекі шектім, Ерболат Әлқожа ішті. Фильмде бар жаныңды салып ойнап жатқанда, түрің келмесе қалай болады?», — деді ағынан жарылған актриса. Сонымен қатар Лаура Мырзахметова түсірілім біткеннен кейін темекіні қою өте қиын болғанын айтты. «Кейін темекіні қою өте қиын болды. Үш айға дейін қоя алмай қиналдым. Мен театрда жұмыс істеймін. Ол жерде бағыт басқа, көзқарас басқа. Менде темекіге деген тәуелділік басталды. Үш айда әрең қойдым», — деді Лаура Мырзахметова.
JQ-Aqparat