Ләйлә Сұлтанқызы: Апамыздың шатақтау мінезін көбі біледі ғой…

Тележүргізуші Ләйлә Сұлтанқызы ресейлік әнші Земфираның Астанада өткен концертіне барған кезде ол дыбысқа байланысты кемшіліктерді байқамағаны туралы сөз етті.
Бұл туралы Stan.kz агенттігі жазды.
«Жолдастарымның шақыруымен сол Земфираның концертіне мен де бардым. Зал лық толады, сонша халық жиналады деп ойлаған жоқпын, шыны керек. Барыс аренаға жақындай бергеннен бастап сұмдық көлік кептелісі, әрбір метр сайын тұрған күзет, кіре алмай ұзын-сонар кезекте қысылған ығы-жығы адам… Өз басым, сахнадан әжептәуір алыс тұрсам да, жаман дыбыс естіген жоқпын. Ортадағы фанзона мен артқы қатардағы дыбыс жер мен көктей болды дейді. Мүмкін… Бұл залдың өзі музыкалық кешке, концертке арналмаған ғой былай қарасаң. Бірақ энергетика, драйв, атмосфера, көрерменнің ыстық ықыласын айта алмаймын… Барлық кем-кетікті ұмыттыратындай-ақ болды енді. Бірақ апамның шатақтау мінезін баяғыдан көбі біледі ғой. Үш адамға (ұйымдастырушыларға) ренжіп, бәрімізді бір-бірімізбен ұрыстырып қойғаны жаман болды», – деді.

JQ-Aqparat