«Кока-Коланың» орнына сыра өткізбекші болды

Қазақстан — Ресей мемлекеттік шекарасындағы «Жаңажол» бақылау-өткізу бекетінің (СҚО) шекара наряды елімізден Ресей Федерациясына қарай сапар шегіп бара жатқан «Вольво» жүк көлігін тоқтатуға мәжбүр болды, деп хабарлайды ҚР ҰҚК ШҚ баспасөз қызметі.

Жүргізуші көрсеткен жолқағаз бойынша жүк көлігіне «Coco Cola» сусындары тиелген екен. Бірақ, шекарашылар тексеру барысында жүк көлігінің қорабынан сусындар емес, керісінше салмағы 10 тонна болатын «Kozel» сырасын анықтады. Сөйтіп, 47 жастағы қазақстандық азаматтың шекарашыларды алдамақ болған қулығы іске аспай қалды. Аталған іске қатысты материалдар СҚО ішкі істер департаментіне берілді.

ҚазАқпарат