Қауіпті мәлімдеме: Имам Баян Алагөзованың сөзі үшін бойкот жариялауды ұсынды

Сәлем салуға қарсы шыққан Баян Алагөзова тағы бір шулатты. Имам Данияр Кенжеұлы оның «қазақтар ислам дінін қабылдамаған» деген сөзіне тойтарыс берді. Ол продюсердің күйеуі Тұрсын Алагөзов шығаратын сусынды сатып алмауға шақырды, деп хабарлайды jasqazaq.kz.

Данияр Кенжеұлы: «Баянның «қазақтар Ислам дінін қабылдамаған» деген сөзі жай ғана сауатсыздық емес, бүкіл ұлттың рухани тарихына қарсы жасалған соққы. Бір халықтың санасын мұқатуға, діни тұтастығын мазақ етуге бағытталған аса қауіпті мәлімдеме. Қазақ ежелден мұсылман. Бұл — шежіреден шегеленген ақиқат. «Мұсылман болмағансың» деу — тек дінді емес тарихты, рухты жоққа шығару. Егер жүректегі иман тірі болса, Баянның сөзі титтей де салмақ салып, жанды түршіктірсе — Макси шайды ішпеңдер. Бойкот жариялаңдар», — деп жазды.

JQ-Aqparat