Қарағандыда белгілі самбист Серік Сәпиевті соққыға жықты

Желіде Қарағандыда бокстан Олимпиада чемпионы Серік Сәпиев пен оның орынбасары Даурен Есімхановтың қатысуымен жанжал орын алды деген ақпарат тарады.

Алдын-ала мәлімет бойынша қақтығыс 21 қаңтарда Қарағанды қаласындағы облыстық кешенді мамандандырылған балалар мен жасөспірімдер спорт мектебінің аумағында болған. Алдымен ауызша жанжал туындап, кейін ол төбелеске ұласқан. Нәтижесінде Серік Сәпиев дене жарақатын алған, ал соққыға жығу фактісі бойынша қылмыстық іс тіркелді.

Бұл туралы полиция пікір білдірді.

«Қарағанды қаласының 42 жастағы тұрғынының арызы негізінде соққыға жығу дерегі бойынша қылмыстық іс қозғалды. 21 қаңтар күні қаладағы спорт кешендерінің бірінің ғимаратында екі ер адам арасында жанжал болғаны анықталды. Қазіргі уақытта полиция қызметкерлері оқиғаның барлық мән-жайын анықтап жатыр», — деп хабарлады өңірлік полиция департаментінің баспасөз қызметі.

Сурет: Tengrinews/gov.kz, instagram @daurenesimkhanov