Қара шегіртке қосылған нан саудаға шықты (видео)

Финляндияда жергілікті компаниялардың бірі қара шегіртке қосылған нан пісіріп, дүкендерге шығара бастады. Бірлестік оны дайындау әдісін өткен жылдың жазынан бері әзірлеген. Бұл туралы Хабар 24 хабарлады.

Жобаны жүзеге асырушылардың айтуынша, құрт-құмырсқа мен қоңыз-шаянды жегеннің еш зияны жоқ. Өйткені оларды қазірдің өзінде әлемде 2 миллиардтан астам адам күнделікті тұрмыста тұтынады. Қарашаның бас кезінде Финляндия билігі жәндіктерді тағамға қосуға рұқсат берген Еуропадағы бесінші ел болып тіркелді. Ал жәндік қосылған нанның құны әдеттегі наннан біршама қымбат. Бағасы 4 еуро тұрады. Маркус Хеллстом, наубайхана иесі: – Мұндай нан өте дәмді әрі пайдалы. Өйткені ақуызға бай. Бұл нанды қара шегіртке қосып, ұнмен араластырып жасаймыз.