Сауда және интеграция министрі Серік Жұманғариннің айтуынша, биыл Қазақстанда қант бағасы айтарлықтай өспейді.
«Менің ойымша, қант бағасы өспейді. Ол қымбаттаса да, қазақстандық нарықпен байланысты болмайды. Бұл үкіметтің отандық зауыттарды қолдау үшін қабылдайтын шешімімен немесе қандай да бір жолмен Ресей нарығында болып жатқан процестерге байланысты болады», — деді Жұманғарин.
Министрлік басшысы қант өндірушілерге арналған субсидиялар мөлшері 25 теңгеден 40 теңгеге дейін ұлғайтылғанын айтты.
Сонымен бірге ол қант зауыттары жеке меншік иелігінде болғандықтан, оларға айрықша қолдау көрсетілмейтінін түсіндірді.
JQ-Aqparat