Мәдениет және ақпарат Вице-министрі Қанат Ысқақов Орталық Азия мен Африкадағы CNN өкілі Сайед Имран Ахмадпен кездесті.⠀
Тараптар медиа, телевизиялық журналистиканы дамытуға, тарихи-мәдени мұраны насихаттауға бағытталған екіжақты ынтымақтастықты дамыту перспективаларын талқылады.
Қанат Ысқақов мәдениет және ақпарат министрлігі журналистер үшін өзара тағылымдамалар ұйымдастырып, тәжірибе алмасуға дайын екенін атап өтті.⠀
Өз кезегінде Сайед Имран Ахмад CNN халықаралық имиджі мен құндылығын арттыру жөніндегі ұзақ мерзімді науқан аясында Қазақстанмен ынтымақтастыққа мүдделі екенін жеткізді.⠀
Кездесу соңында тараптар өзекті бағыттар бойынша өзара іс-қимылды жандандыруға келісті.
JQ-Aqparat