Қанат Исламның міндетті қарсыласы белгілі болды

Дүниежүзілік бокс қауымдастығының (WBA) чемпионаттар жөніндегі комитеті қазақстандық боксшы Қанат Исламның (25-0, 20КО) міндетті қарсыласы ретінде америкалық Джон Вераны (18-0, 11КО) белгіледі, деп хабарлайды ҚазАқпарат.

WBA қауымдастығының хабарлауынша, тараптарға хабарландыру 21 қарашада жеткізіліп, екі боксшының командасына келіссөздер өткізуге 30 күн уақыт берілген. Егер, екі жақ жарысты өткізу туралы нақты келісімге келе алмаса, кездесуді өткізу құқығы бәссаудаға қойлатын болады.

Айта кетейік, бірінші орта салмақта өнер көрсететін Қанат Ислам соңғы кездесуін ағымдағы жылдың 9 қыркүйегінде канадалық Брэндон Кукке қарсы өткізіп, WBA Inter-Continental және WBO NABO титулын қорғап қалды. Отандасымыз 25 жеңісінен кейін, WBA нұсқасы бойынша бірінші орта салмақтың рейтингінде көш бастады. Бүгінгі күні ол BoxRec әлемдік реитингіде 11-орында тұр.

Ал Джон Вера кәсіпқой бокста 18 кездесу өткізіп барлығында жеңіске жеткен. Ол WBA рейтингінде Қанаттан кейінгі — екінші орында.