«Қайратым» қажырымен қанаттанды, Алуға биіктерді тағы аттанды!

27 тамыз, 1:00

Қазақ әдебиетінің классигі, футболдың нағыз жанкүйері Ғабит Мүсірепов сүйікті командасы жеңіске жеткенде осылай қуанған еді. Міне, сол “Қайрат» Еуропаның азулы клубы, Шотландияның 55 дүркін жеңімпазы “Селтикті” тізе бүктіріп, Чемпиондар Лигасындағы жеңісті жолын жалғастырды.

Алматының Орталық стадионында өткен ойын негізгі және қосымша бөлігінде есеп ашылмады. Глазгода өткен кездесуде де гол соғылмаған болатын. 11 метрлік пенальти соғуда “Қайраттың” қақпашысы Темірлан Анарбеков үш рет қақпасын қорғап қалды. Жалпы есеп 3:2. Осылайша, “Қайрат” өз тарихында бірінші рет Чемпиондар Лигасының негізгі тобында ойнайтын болды. Енді жанкүйерлердің сүйікті командасы “Реал” “Барселона”, “ПСЖ” сияқты әлем футболының алпауыттарымен жасыл алаңда күш сынасуы да ғажап емес.

Жеңіс құтты болсын, “Қайрат”!

Jas Qazaq