Енді қырғыз елі Қазақстанның тарихы және және салт-дәстүрімен жақынырақ таныса алады. «Kazakh TV» Ұлттық спутниктік телеарнасы 1 мамырдан бастап, қырғыз тілінде де хабар таратады.
Айыр қалпақты ағайын арнадан көрсетілетін бағдарламаларды тәулік бойы тамашалай алады. Рейна Досалиева, «Kazakh TV» телеарнасының халықаралық ақпарат бөлімінің продюсері: — 1 мамырдан бастап, «Қазақ ТВ» арнасы қырғыз тілінде де хабар таратады. Арнада тарихи және салт-дәстүрді насихаттайтын бағдарламалар топтастырылған. Қырғыз ағайындар үшін қызықты болады деп ойлаймын. Себебі дайындығымыз жоғарғы деңгейде. 450-ден астам бағдарламаны қырғыз тіліне аударып, дыбыстап қойдық. Бар контент дайын тұр.