Каспий құбыржелісі консорциумында 3-ші қондырғыны жөндеу аяқталды

Қазақ мұнайын әлемдік базарға апаратын Каспий құбыржелісі консориумының теңіз терминалында қара майды танкерге тиейтін 3-ші қондырғы қайта іске қосылды.
Консорциум хабарлағандай, жөндеу жұмысы барысында су астымен тартылған шлангы пен “жең” ауысытырлды. Осылайша, енді мұнай 1-ші және 3-ші қондырғы (айлақ) арқылы танкерге жеткізіледі. Ал 2-ші қондырғыны қалпына келтіру бойынша жұмыс жалғасып жатыр.
Еліміздің энергетика министрлігі 3-ші қондырғының іске қосылуы Қазақстан мұнайын жоспарлы кесте бойынша экспортқа жөнелтуді қамтамасыз ететінін мәлімдеді.
Айта кеткен жөн, былтырғы қараша соңында дрон шабуылы кезінде 2-ші және 3-ші қондырғылар істен шыққан болатын.
Айта кеткен жөн, осы бағытпен Қазақ мұнайының 80 пайызы әлемдік нарыққа жөнелтіледі.
JQ-Aqparat

Сурет: КҚК ТГ