«Көңіл айтсын адамзат саған, далам!»

Сарыарқаның қойнауы мәңгі жасыл,

деп ойлама ерке қыз, қаңғыбас ұл!

Сен де міндің келместің кемесіне –
Қанды қасап жасаған, қанды ғасыр!

Ғалам да алаң өткенге
санам да алаң,
Көңіл айтсын адамзат
саған, далам!
Қарағанды лагері
қара түнек –
Қарағанның түбінде қараңдаған.
Қалмаса да зұлымдық мәңгі жасап,
Қиямет – қайым көргенім
қанды қасап.

Жиырмасыншы ғасыр сол
алшаң басқан –
ГУЛАГ архипелагын алдына сап.

Ғалым Жайлыбай

(поэмадан үзінді)

Суреттерді салған Ғалым Смағұл