Гүлзира Айдарбекова әлеуметтік желіге жүктеген бейнежазбасы көпшілікке жақпай қалды. Бұл туралы Stan.kz ақпарат агенттігі хабарлады.
«Хюррем болу саған қайда”, «Өзін өте жоғары бағалайды», «Хюрреммен салыстыруға да келмейді», «Армандама, саған жараспайды», – деп пікір қалдырды желі қолданушылары.
Гүлзира Айдарбекова: «Сен үшін мықты, қол жетпес шығар. Менің отбасыма барып сұрашы, Хюрремді менің тырнағыма ауыстырар ма екен?», – деп жауап қайтарды. Продюсер өзінің әлеуметтік желідегі парақшасында бұл видеоның қалай түсірілгенін баяндап, ешкімнің өміріне қызықпайтынын жеткізді.
«Туған күніме киген қызыл көйлегімді, көмекшім жәй өзіне түсіріп тұрғандай болып еді, кейін Хюрремнің дауысын қойып, екінші салған бейнежазбаны жіберіпті. Қызық көріп TikTok-қа “Әр әйел өз үйінің ханшайымы” деген тақырыпта салғанмын. Оқырмандардың көбісі жақсы пікір қалдырыпты, кейбірі “Хюррем болу саған қайда” депті. Негізі сол Хюррем болғым келіп армандап жүргенім жоқ. Соның өміріне өз өмірімді ауыстырмас та едім. Алла әр пендесіне жеке өмір, жеке тағдыр жазған, біреудің өмірін сүру мен үшін арман да емес. Қанша мықты болса да, ханның пәлен қатынының бірі болғанымша, өз жанұямның шамшырағы, Нұрекеңнің ханшайымы болып жүре берейінші”, – деп жазды Гүлзира Айдарбекова.
Посмотреть эту публикацию в Instagram
JQ-Aqparat