Ғарышкерлер стансада тұңғыш рет пицца пісіріп жеді (видео)

04 желтоқсан 2017, 17:37

Ғарышкерлер халықаралық ғарыш стансасында тұңғыш рет салмақсыздық жағдайында пицца пісіріп жеді. Оның видеоларын NASA ғарышкерлері Туиттерде жариялады, деп хабарлайды ҚазАқпарат.

euronews.com-ның хабарлауынша, үшінші рет ғарышта миссиясын атқарып жатқан Еуропаның ең қарт астронавты, 60 жастағы Паоло Несполи Жермен тікелей байланыс кезінде әйгілі итальян ұлттық тағамы пиццаны қатты сағынып жүргенін айтып қалған болатын.

Қарашаның ортасында тасымалдаушы ғарыш кемесі арқылы стансаға пицца әзірлеуге қажетті ингрединттер жеткізілді.

Видеодан салмақсыздық жағдайында пицца әзірлеу оңайға соқпағаны, бірақ өте қызықты болғаны көрінеді.