Азаматтардан келіп түскен шағымды тексеру нәтижесінде Алматы облысы Есік қаласының әкіміне жемқорлық қылмысына барды деген күдікке ілінді.
Сыбайлас жемқорлыққа қарсы іс-қимыл агенттігінен мәлім еткендей, қала әкіміне мемлекеттік сатып алу келісім аясында ойын алаңын абаттандырған жеке компаниядан ірі мөлшерде пара алды деп айып тағылды. Шаһар басшысы бюджет қаражатын кедергісіз төлеуге уәде еткен.
«Күдікті кінәні толығымен мойындады. Сотқа дейінгі тергеу жалғасып жатыр.
Қылмыстық-процестік кодексінің 201-бабына сәйкес өзге ақпарат жария етуге жатпайды», — делінген мәліметте.
JQ-Aqparat