Бүгін ерлі-зайыпты Раим мен Ерке Есмахан көпшілікке алғашқы бірге орындаған әндерін ұсынды. «Бұл махаббат» деп аталатын әннің бейнебаянынан Ерке Есмаханның аяғы ауыр екенін көруге болады. Бейнебаянның жарық көргенін қос әнші өздерінің Instagram парақшаларында хабарлады. «Сүйінші», — деп жазды Ерке Есмахан. Ал Youtube желісінде бейнебаянды көргендер бұл жаңалыққа қуанышты екендерін жеткізді. «Бұл не деген қуаныш, бұл не деген бақыт», «Керемет, сіздерді жақсы көремін», «Жарайсыздар», «Бөпеңізді аман-есен қолыңызға алыңыз», «Еркеге аяғы ауыр болған күшті жарасады, көзімнен жас шығып кетті», — деп жазуда көпшілік.
JQ-Aqparat