Ерке Есмахан: Өзін жеңе алмағандар өшін басқадан алады

Әнші Ерке Есмахан әлеуметтік желіде өзіне айтылған сөздерді қалай қабылдайтынын жеткізді.

Оқырман: «Қазір адамдардың бәрі жауыз. Хейтке қалай шыдайсыз?», — деп сұраған.
Жауап: «Қазіргі заманда ең бай адам кім айтайын ба? Ең бай адам ақшасы көп, жетістікке жеткен адам емес. Ең бай адам — психикасы таза адам. Мыңдаған психолог пациентінің травмасын, психикасын тазарту үшін көп жұмыс істейді. Байқасаңыздар, осы күні адамдар өз-өзімен әлек қой. Сосын өзімен жұмыс істемеген, өзін жеңе алмағандар өшін басқадан алады. Ғаламторға кіріп, уын басқаға шашады. Әлеуметтік желіде танымал жандардың бәріне хейт бар. Оған көңіл бөлудің керегі жоқ. Отырып алып жаман пікір жазатындардың емес, алатындардың қатарынан болған да бақыт. Таңдау өздеріңізде», — деп жазды өнер иесі.

JQ-Aqparat