Екпе салмағандардың кесірінен қызылша өршіді

29 қантар, 13:38

Астанада бір айдың ішінде 622 бала қызылшамен ауырды, деп хабарлайды jasqazaq.kz. Қала әкімдігінің мәліметінше, қызылша жұқтырған балалардың көбі вакцина алмаған.

Биылғы қаңтарда Астанада 498 бала ауруханада емделді. Қазір мұнда 85 науқас ем қабылдап жатыр. Бір бала реанимация бөлімшесіне түсті.

Соған байланысты қала билігі қосымша иммундау, вакцина салу жұмыстарын белсенді түрде жүргізіп жатыр. Алайда 14 жасқа дейінгі науқастар арасында әлі де вакцина алмағандар көп. Сондықтан аурудың алдын алу шараларын одан әрі күшейту қажет. Ал оның бірден-бір жолы – дер кезінде екпе салдыру.

JQ-Aqparat