Екі баласын өлтіріп, артынан өзі өлген әйел полицияның жұбайы болып шықты

Шығыс Қазақстан облысында 34 жастағы әйел екі баласын өлтіріп, соңынан өз-өзіне қол жұмсады, деп хабарлайды Today.kz YK-news.kz басылымына сілтеме жасап.

«Жан-жақты және объективті тергеу барысында азаматшаның өз балаларын өлтіріп, кейін өзіне қол жұмсағаны анықталды. Осыған байланысты қылмыстық іс тоқтатылды», — деді Шығыс Қазақстан облыстық ІІД өкілдері.

Естеріңізге салайық, Шығыс Қазақстан облыстық Қатон-Қарағай ауданы, Үлкен Нарын ауылындағы үйлердің бірінен 10 тамызда 34 жастағы әйел мен екі баланың мәйіті табылды. Осы дерекке байланысты ҚР ҚК 99 бабы «Кісі өлімі» бойынша сотқа дейінгі тергеу басталды.

Облыстық прокуратура бұл істі бақылауына алған болатын. Кейін өлі табылған әйел мен екі баланың жергілікті полицияның отбасы екені анықталды.