Қазақтың алтын көмей әншісі Димаш Құдайберген 5 жасында қалай халық әртісі атанғанын айтты.
Үйде қонақтардың алдында өнер көрсеткен бала Димашты сол кезде қалжыңдап «Қазақстанның халық әртісі» деп жариялаған екен. Мұны айтқан адамды сәуегей десе де болар: 24 жыл өткенде, Республика күні қарсаңында Димашқа шынымен де «Қазақстанның халық әртісі» құрметті атағы берілді.
Димаш әлеуметтік желідегі жазбасында алғысын білдіріп, Дінмұхамед Қонаев атасының мына сөзін келтірді: «Мен қанша биікке көтерілсем де, халықтан төмен екенімді ұмытқаным жоқ».
JQ-Aqparat