ШЫҰ-ға мүше мемлекеттердің үкімет басшылары кеңесінің отырысы қарсаңында Премьер-Министр Әлихан Смайылов іс-шара делегациялары басшыларының Қырғызстан Президенті Садыр Жапаровпен кездесуіне қатысты.
Әлихан Смайылов Қазақстан Президенті Қасым-Жомарт Тоқаевтың жылы сәлемін жеткізіп, үш маңызды үкіметаралық форумның жоғары деңгейде ұйымдастырылғанын атап өтті.
Үкімет басшысының баспасөз қызметі жазғандай, ШЫҰ-ға мүше мемлекеттердің Үкімет басшылары кеңесінің отырысында Шанхай Ынтымақтастық Ұйымының кеңістігінде сауда-экономикалық және мәдени-гуманитарлық салалардағы өзара іс-қимылды нығайту жөніндегі шаралар талқыланады.
ТМД елдері Үкімет басшылары кеңесі мен Еуразиялық үкіметаралық кеңес шеңберінде кең ауқымдағы ынтымақтастық мәселелерін талқылау жоспарлануда. Оның ішінде геодезия және картография саласындағы өзара іс-қимыл, тауарларды сертификаттау және кедендік декларациялау, өнеркәсіптің түрлі салаларында кооперациялық жобаларды іске асыру, энергетика және ауыл шаруашылығы салаларындағы бірлескен қадамдар қаралады.
Посмотреть эту публикацию в Instagram
Іс-шаралар қорытындысы бойынша бірқатар құжатқа қол қойылады деп күтілуде.
JQ-Aqparat
Видео: @Sputnik_Kyrgyzstan