«Біреумен сөйлесті де, өзін өртеді». Әуежайдағы оқиғаның бейнежазбасы тарады

Сурет: Видеодан кадр

Әлеуметтік желіде Алматы әуежайында болған өзін-өзі өрттеу оқиғасының жаңа бейнежазбасы жарияланды, деп хабарлайды jasqazaq.kz.

Бұл видеоны оқиға болған Nur Ai & Co әуе тур агенттігінің директоры Гүлмира Сәдуақасова жариялады. Бейнежазбада ер адам әуежай кассасында телефонмен сөйлесіп, бір мезетте полицейлермен сөзге келіп жатқаны түсірілген. Кейін ол үстіне сұйық нәрсені құйып, әйелді бөлмеден шығарып жібереді.

«Ол ішке кіріп, телефон сұрады, біреуге қоңырау шалды. Әңгіме барысында рейске үлгермей қалғанын айтты ма, әйтеуір сол сәтте өзін бензинмен құйып жіберді. Біздің агентіміз оған шығуды өтінді, ол әйелді шығарды, содан кейін өзін өртеп жіберді. Біздің қызметкеріміз, батыл Ксения, қорықпады, өте шапшаң әрі нақты әрекет етті», – деп жазды Facebook-та Nur Ai & Co әуе тур агенттігінің директоры Гүлмира Садуақасова.

Оқиғаның мән-жайы анықталып жатыр.

JQ-Aqparat