Берденов қызметінде қала ма? Шымкент әкімдігі жауап берді

Шымкент қаласы әкімінің орынбасары Сәрсен Құранбек журналистердің қала әкімінің орынбасары Руслан Берденовтің тағдырына қатысты сұраққа жауап берді, деп хабарлайды jasqazaq.kz.

Otyrar.kz хабарлауынша, бұл мәселеге Шымкент қаласы әкімінің орынбасары Сәрсен Құранбек пікір білдірді. Оның айтуынша, қазметінде қалу-қалмау шешімі Берденовтің жеке қалауына және жоғары тұрған басшылықтың ұстанымына байланысты.

– Адамның белгілі бір қызметте жұмыс істей ме, әлде жұмысын тоқтата ма – бұл ең алдымен оның өз қалауына байланысты. Мен әріптестерімнің шешімі немесе қалауы жөнінде пікір білдіре алмаймын, ол – олардың және жоғары органдардың құзырындағы мәселе. Мүмкін, ол қалғысы келетін шығар немесе денсаулығына байланысты кеткісі келетіні болуы мүмкін. Мен бұл жайында онымен сөйлескен жоқпын, сондықтан пікір айта алмаймын, – деді Шымкент қаласы әкімінің орынбасары Сәрсен Құранбек.