Бейәдеп пікір айтқан блогердің ісі сотта қаралады

Астанада ерекше балалардың ата-аналарына тіл тигізген Гүлнар деген блогер жауапқа тартылатын болды, деп хабарлайды jasqazaq.kz.

Жуырда Gulnara.blogger әлеуметтік желіде аутизм, мүгедектік және онкологияны ата-аналардың, әсіресе, әйелдердің «азғын өмірі үшін жаза» деген сарында бейнежазба жариялады. Ата-аналар блогерді жауапқа тартуды талап етіп, балалар омбудсмені Динара Закиева ІІМ-ге жүгінді.
Ол: «Ерекше балаларға қатысты кемсітуге жол берілмейді. Қорлау үшін қылмыстық жауапкершілік көзделген», — деп мәлімдеді.
Ал блогер өзін «буллинг құрбаны» деп, «қоғамға себеп-салдарды түсіндіргенін» айтқан жаңа бейнежазба жариялады.
Астана қаласы Полиция департаменті «ұсақ бұзақылық» бабы бойынша әкімшілік іс қозғалғанын хабарлады. Енді іс материалдары сотқа жіберіледі.

JQ-Aqparat