Баукеспе барымташылар құрықталды

Күдіктілер ірі қараны жайылымда жүрген жерінен жайратып салған. Осылайша, оңай пайдаға құныққандар үш жылқыны сойып, етін әкетіп бара жатқан жерінен қыл үстінде қолға түсті.

ktk.kz хабарлағандай, күдіктілерді ұстау полиция қызыметкерлеріне оңайға соқпады. Ол үшін Оралдан қатынайтын күре жолдарға тосқауыл қойыпты. Әсіресе, Орал- Атырау бағытындағы тас жолды қатаң бақылауға алынған. Ал бұл жерден жол-патрулдік көлікті көрген ұрылар жасырынуға барынша әрекет еткен. Алайда полиция экипажы олардың көлігін тоқтатып тексерген кезде етпен қоса ешқайда тіркелмеген аңшы мылтығы тауып алыпты. Ұсталған азаматтар өздерінің үшінші серігінің басқа машинамен далада қалғанын бірден мойындады. Әзірге олардың арзан етпен кімді қарық қылып келгендері анықталуда. Сондай-ақ, осыған ұқсас қылмыстарға қатысы бар-жоқтығы да тексерілуде.

Кенжебек Құспаев, БҚО ІІД Жергілікті полиция қызметі бастығының орынбасары:

-Тойота Ланд Крузер көлігін тақымдаған мал ұрлығына қатысты үш күдікті адам ұсталды. Барлығы осы БҚО-ның тұрғындары. Жасы 25-27 шамасындағы азаматтар.