Әнші Балжан Бидаш отандық бағдарламаға берген сұхбатында Жаханмен ажырасып кетуін ата-анасы мен жақындары қалай қабылдағаны туралы айтып берді.
«Олардың тарапынан әрқашан қолдау болған, бола бермек. Жастайымнан «Кеш YOU» тобының құрамында болдым. Студенттік шақта түрлі байқауларда бақ сынадым, концерттерге қатысып жүрдім. Жастайымнан табыс тауып, өз оқуымды өзім төлеп, үйдегілерді мазаламайтынмын. Қабілетімді көрген әке-шешем шешімдеріме қарсы келген емес. Біраз уақыт ата-анамнан жасырып жүрдім. Өйткені сол сәтте басқа қалада еді. «Мінезіміз жараспады. Бақытты болсын десеңіздер, қолдаңыздар» дедім. Тұрмыста түсінгенім, әйелдің ішкі және сыртқы бейнесі ер азаматына байланысты. Ол тірлікке икемді ме, жоқ па, бұл бастысы емес, бастысы, бірі біріне деген қолдауы. Әйел күйеуінің қолдауының, махаббатының арқасында нәзіктікте жүру керек. Айтпағым, ол пысық па, жоқ па, тірлікке ебі бар ма, өзіне қалай қарайды маңыздысы ол емес”, – дейді өнер иесі.
JQ-Aqparat