Бағлан Майлыбаев қамауға алынды

16 қантар 2017, 13:13

Президент Әкімшілігі басшысының бұрынғы орынбасары Бағлан Майлыбаев ұсталды, деп хабарлайды Ұлттық қауіпсіздік комитетінің баспасөз қызметі.

2017 жылғы 12 қаңтарда Қазақстан Республикасының Ұлттық қауіпсіздік комитеті ҚР Қылмыстық кодексі 185-бабы 1, 3-бөлігінде көзделген («Мемлекеттiк құпияларды заңсыз жинау, тарату, жария ету») қылмыстарды жасады деген күдікпен ҚР Президенті Әкімшілігінің қызметкерлері болған Б. Майлыбаев және Н.Галихинді ұстады.

14 қаңтарда Астана қаласы, Есіл аудандық соты 2 ай мерзімге қамауға алу санкциясын берді.

Аталған тұлғалар ҚР Қылмыстық-процестік кодексінің 128-бабына сәйкес ҰҚК Тергеу изоляторына қамауға алынды.

Күдіктілердің және олардың туыстарының тұрғылықты жерлері бойынша тінту жүргізілді, заттай дәлелдемелер алынды.

Тергеп-тексеру жалғасуда, оның барысы және нәтижелері жөнінде қосымша хабарланады.