Ханчжоуда өтіп жатқан 2022 жылғы Азия ойындарының жүзуден іріктеу сайыстарына қазақстандық спортшылар Ксения Игнатова, Диана Тасжанова мен Софья Сподаренко қатысты.
Қазақстан командасының өкілдері төмендегідей нәтиже көрсетті:
— Диана Тасжанова еркін стиль бойынша 400 метр қашықтықты 4:13.47 уақытта жүзіп өтті. Ол төртінші болып финалға шығып, Қазақстанның жаңа рекордын орнатты.
— Ксения Игнатова 200 метрге шалқалай жүзуде 2:14.98 нәтижесін көрсетіп, жетінші орынмен финалға шықты.
— Софья Сподаренко 100 метрді еркін тәсіл бойынша 57, 16 секундта жүзіп өтіп, 11-орын иеленді.
Финал сайыстары кешкі 17:30-да басталады.
JQ-Aqparat