Аутист балалар туралы жазған блогер кешірім сұрады

Әлеуметтік желіде «аутист балаларды өлтіру керек» деген пікірімен елді шулатқан блогер Райхан Жұмамұратова кешірім сұрады.
Блогер: «Мен ешқандай қатыгез адам емеспін! Бұл жерде тек эмоция кінәлі. Инстаграмда ауыр пікір жазғанымды, қаншама ата-ана мені сынап жатқанынан кейін ғана түсіндім. Аутист диагнозы осындай көп деп ойламаппын. 2 жасар баланы өзімнің баламмен бірдей деп ойлап, сол баланың орнына өз баламды қойып көргендей сезіммен ашуға беріліп айтып қойдым. «Ойланбай сөйлеген аңдымай өледі» деген сөздің мағынасын халық болып түсіндіріп жатырсыздар», – деп ақталды.
Ол өзінің ашуға беріліп, жазған пікірі үшін кінәлі екенін мойындап, басқалардан мұны қайталамауды өтінді.
«Негізі скрининг кезінде айтады «бала ауырып қалса аборт жасайсыз» деп. Бір жағынан соны ойладым, бір жағынан 2 жасар баланы аяп, ауыр сөздер жазып қойдым. Шын көңілмен кешірім сұраймын аутист балалардың ата-аналарынан! Мен ойланбай жазып қойып күнәға батсам, сіздер мені осознанно сынап, ауыр сөз жазбаңыздар. Сау бала болсын, диагнозы бар бала болсын, әр ата-ана өз баласына жауапты. Неге қоғамда аутист балалар көп және оның салдары неден болуы мүмкін?» – деп жазды ол.
JQ-Aqparat