Атырауда студент қыз қатарласын аясуыз соққыға жықты: қылмыстық іс қозғалды (Видео)

Атырауда колледж студентіне қатысты қылмыстық іс қозғалды. Ол қаладағы саябақтардың бірінде қатарласын ұрып-соққан, хабарлайды jasqazaq.kz.

Әлеуметтік желіде осы оқиғаның видеосы тарап кетті.

Атырау облыстық полиция департаменті таратқан ақпаратқа сәйкес, күдікті ұсталып, кәмелетке толмағандарды бейімдеу орталығына орналастырылды.

«Барлық қатысушылар профилактикалық есепке қойылады, материалдар кәмелетке толмағандар істері жөніндегі комиссияға жолданады. Балаларды тәрбиелеу жөніндегі міндеттерін тиісінше орындамағаны үшін кәмелетке толмағандардың ата-аналары әкімшілік жауапкершілікке тартылады», – деді полиция өкілдері.

Ведомство жеке атап өткендей, қақтығысты видеоға түсіріп, полицияға хабар берместен оны таратқан жасөспірімнің де әрекетіне құқықтық баға берілмек.

 

Посмотреть эту публикацию в Instagram

 

Публикация от JAS QAZAQ (@jasqazaqkz)

Сурет: Видеодан кадр