Атырау облысында бір отбасының 6 адамына іздеу жарияланды (Видео)

Атырау облысы Жангелдин ауылындағы жоғалған бүтін отбасы туралы әзірге ешқандай хабар жоқ. Із-түзсіз жоғалған 4 адамнан бөлек тағы 2 адамға іздеу жарияланған. Ол осы үйдің отағасының қызы мен күйеу баласы. Бұл туралы Qazaqstan Ұлттық телеарнасы хабарлады.

Полицейлер олардың 5 баласын тастап, Өзбекстанға өтіп кеткенін анықтаған. Ал қалған 4 адам сол күйі хабар-ошарсыз. Адам өлтіру бабымен қылмыстық іс қозғалған.

Қалалық құқық қорғау органдары әлеуметтік желідегі жалған ақпаратқа сенбеуге шақырады.