Атын айтпауды сұрады: Алданып қалған алматылық профессорға 23 миллион теңге сыйға берілді

12 тамыз, 15:22

Алматыда әл-Фараби атындағы ҚазҰУ профессоры Какен Камзин интернет-алаяқтардың құрбаны болғаннан кейін, оған 23 миллион теңге сыйға берілді, деп хабарлайды jasqazaq.kz.

76 жастағы алматылық профессор көпсатылы кибералаяқтық схемасының құрбаны болып, пәтерінен және барлық жинақ ақшасынан айырылды. Қылмыскерлер оның жеке деректерін қолға түсіріп, жинағын шешіп алып, оларды «қорғау үшін» арнайы шотқа аударуға сендірген. Кейін олар профессордың атына рәсімделген несие қарызын өтеу үшін баспанасын сатуды талап еткен.

Ал енді ең күтпеген әрі жүректі елжіреткен сәт, бүгін бір қайырымды азамат (аты-жөнін айтпауды сұрады) жетпей тұрған үлкен соманың барлығын (23 млн теңге) қолма-қол әкеліп берді. Бұл тек қаржылай көмек қана емес, бұл — сенімнің, бірліктің, мейірімнің нағыз көрінісі. Ол азаматқа Алла разы болсын! Отбасына, өзіне тек жақсылық тілеймін! Ризашылығымды білдіремін, — деп жазды Камзин.