Павлодарда алюминийді қайта өңдеу арқылы дайын өнім беретін зауыт салынады. Облыс әкімдігінің баспасөз қызметі хабарлағандай, еліміздегі мұндай тұңғыш кәсіпорынды құруға түріктің Altrade компаниясы ниет білдіріп отыр.
Алюминийден жасалған өнім әуе, автомобиль, тамақ өнеркәсібінде, сондай-ақ, құрылыста сұранысқа жоғары сұранысқа ие. Жобаның бастапқы сатысында инвестор 8 млрд теңге көлемінде қаржы құяды. 100 адамдық жұмыс орны ашылады. Екінші кезеңде инвестиция 9 миллиардқа ұлғаяды. Жұмысшы мен қызметкер де көбейе түседі.
Павлодардағы глинозем (алюминий өндірісінде пайдаланылатын шикізат) өндіретін кәсіпорын — еліміздегі жалғыз өндіріс ошағы.
Айта кеткен жөн, Президенттің биылғы Жолдауында осы өңдеу өнеркәсібі мен дайын өнім шығаруға айрықша мән берілді.
JQ-Aqparat