Астанадағы түнгі клубтың маңында 18 жастағы жігіт пышақ жарақатынан қаза тапты

Бүгін, 9:13

Сурет нейрожелі көмегімен жасалған

Әлеуметтік желіде Астанадағы түнгі клубтың жанында төбелес болып, оқиға салдарынан 18 жастағы жігіт көз жұмған туралы аөпарат тарады, деп хабарлайды jasqazaq.kz.

Полицияның баспасөз қызметі Tengrinews.kz сауалына аталған дерек бойынша жәбірленушінің өліміне әкеп соққан денсаулыққа қасақана ауыр зиян келтіру бабы бойынша сотқа дейінгі тергеп-тексеру басталғанын хабарлады.

«Полиция қызметкерлері екі күдіктіні ұстады, олар уақытша ұстау изоляторына қамалды. Анықталғандай, түнгі ойын-сауық орындарының бірінің маңында жастар арасында ауызша жанжал шығып, ол төбелеске ұласқан. Соның салдарынан 18 жастағы азамат алған жарақаттарынан қаза болды», — деп мәлімдеді Астана қалалық полиция департаменті.