PRO.NRG FEST — ҒЫЛЫМИ ОТБАСЫЛЫҚ ФЕСТИВАЛЬ

Астанада 9 қыркүйекте PRO.NRG FEST  – балаларға және ересектерге арналған ғылым, өнер және технологиялар фестивалі өтті. PRO.NRG FEST – бұл танымдық отбасылық уикенд форматында өткізілетін ауқымды ғылыми-көпшілік іс-шара. PRO.NRG FEST екінші жыл қатарынан Қазақстандағы ең ірі ғылыми-көпшілік фестивальдерінің бірі болып отыр.

Оқушылар сарайында күні бойы дәрістер оқылып, интерактивті шоулар мен қойылымдар өткізілді.

PRO.NRG FEST елімізде STEAM-білім беруді дамытып келе жатқан «Caravan of Knowledge» білім беру қорының бастамасымен өткізілді. Фестивалді екінші жыл қатарынан «Шеврон» компаниясы серіктес ретінде қолдап отыр. Бұл компания ғылымға, жаңа технологияларға және тиімді білім беру шешімдеріне деген қызығушылықты ұлғайтатын бағдарламаларға жүйелі түрде қолдау көрсетеді.

PRO.NRG FEST-те  ғалымдар мен зерттеушілерді кездестіріп, оларға сауалдар қойып және тіпті эксперименттерге де қатысу мүмкіндігі болды. Фестиваль балалар мен ересектерге ғылымды жаңа қызықты жағынан қабылдауға көмектесетін ұмытылмас тәжірибе сыйлады.

«Caravan of Knowledge» білім беру қорының жетекшісі Зарина Биюмбаева: «Отбасылық фестиваль екінші жыл өткізіліп отыр. Екінші жыл барлық жастағы адамдар біздің миссиямызға қосылуда. Біз білімге деген ынтаны қолдауға тырысамыз және зор кері байланыс алып отырамыз. Осы жолы біз еліміздің барлық аумақтарынан іздеген көбірек қазақстандық бірегей спикерлерді шақырдық – еліміздің әртүрлі жерлерінен келген 50-ден астам ұстаздар өздерінің инновациялық тәсілдерімен бөліседі. Сонымен қатар, біз басқа қалалардан, елдерден келген көптеген қонақтарды да көріп отырмыз, білім мен ғылымға деген ұмтылыс адамдарды соншалықты шабыттандыратыны қуантады», – деді.

PRO.NRG FEST –  бұл сондай-ақ STEAM ұстаздарына арналған білім беру және нетворкингтік платформа. S – science (ғылым), T – technology (технология), E – engineering (инженерия), A – art (шығармашылық) и M – mathematics (математика). Бүгінде STEAM-білім беру пәнаралық және қолданбалы тәсілдерді қолдануға, сонымен қатар, барлық бес пәнді біріңғай білім сұлбасына интеграциялауға негізделген.

Фестивальдің ашылуында сөз сөйлеген «Шеврон» компаниясы Еуразиялық бөлімшесінің бас директорының орынбасары  Дилан Морган былай деді:  “1993 жылы «Шеврон» Қазақстанға келген бірінші халықаралық энергетикалық компаниялардың бірі  болды. 30 жылдан астам уақыт біз мемлекеттің мұнай-газ секторының дамуын қолдап келеміз. Сол уақыттан бері біз елдің басты ресурсы – адамдардың, әсіресе, жастардың энергиясын дамытудамыз. Олардың тапқырлығына, шығармашылығына және шексіз мүмкіндіктеріне біз сенеміз. Біздің әлеуметтік жобаларымыз адам капиталын дамытуға, дәулеттілікке және қоршаған ортаны қорғауға бағытталған. PRO.NRG FEST-ті қолдай отырып, біз  STEAM білім беру аясында экожүйе қалай қалыптасатынын көрсеткіміз келеді».

Фестивальде қатысушылар сабақта өнер мен зерттеуге басымдық беретін жаңашыл ұстаздармен танысты. Олар оқу қызықты және тиімді болу үшін ең алдыңғы қатарлы білім беру технологияларын қолданады.

«Шеврон» компаниясындағы Еуразиялық бөлімшесінің әлеуметтік инвестициялар жөніндегі кеңесшісі Лейла Айтмуханова: “Біз PRO.NRG.FEST ғылыми отбасылық фестивалін біздің STEAM-бағдарламаларымызды іске асыру нәтижелерін көрсету және аудиторияны мұғалім-новаторлардың сәтті кейстерімен таныстыру үшін де өткіземіз. Фестиваль ғылым мен мектеп пәндері қызықты әрі көңілді  бола алатынын көрнекі көрсетеді. Біз осындай фестивалдер өткізуді басқа қалалар мен компаниялар қостап әкететін трендке айналдырғымыз келеді”, – деп атап өтті.

Биылғы жылы PRO.NRG FEST-тің  бөлігі Science on Stage Europe ұлттық кезеңінің финалы болды. Бұл нетворкингке арналған халықаралық алаң және әлемнің түкпір-түкпірінен келген мұғалімдер ғылыми пәндерін оқытудағы өздерінің озық тәжірибелерімен бөлісуге арналған сайыс. Фестивальде 2024 жылы Финляндияның Турку қаласында өтетін Science on Stage Europe жаһандық финалында біздің оқытушылар қауымдастығы атынан қатысатын жеңімпаздар анықталды.

JQ-Aqparat