Қасқыр үйірімен бірге тұратын қарт (фото)

Қытайдың Санжы облысына қарасты Жемсары ауданында «Қасқырлы сай» деп аталатын аңғар бар. Иаң Шаңшың есімді 71 жастағы қария осы аңғарда қасқыр бағады.

stan.kz хабарлағандай, Қытайдың Тянь-Шань ақпараттық порталы қасқыр бағатын қарияның өмірімен танысып қайтты.

“Қасқырлы сайда” 8 тұқымнан тараған 150-ден аса қасқыр бар. Қария қасқырлармен күнін көңілді өткізетін көрінеді.

Қарттың айтуынша, ол бөрі тұқымын ең алғаш қазақ досының үйнен көріпті. Шынжырлап байлаулы тұрған бөлтірікке жаны ашып, оны досынан бағуға сұрап алған екен. Оның қасқыр бағуға деген ынтасы осыдан басталған.   Алғашында туыстары қарсылық танытқанымен оның жабайы жыртқышқа деген құмартушылығына ешкім тосқауыл бола алмаған. Бүгінде ол үлкен аңғарды жалға алып, арнайы  бөрі бағатын орынға айналдырған.

Жыртқыштардың азығына жылына 100 мың юан ақша жұмсалады. Бұл шығынды ол өзінің жеке бизнесімен ақтайды.

«Жабайы аңдарда адамдардың жанашырлығын сезінеді және лайықты жауап та қайтарады. Қасқырлар өз сүйіспеншілігін адамға жақындап аяғына оралып, ақырын тістелеу арқылы білдіреді», – дейді қария.