Қайғылы апаттан көз ашпай келе жатқан “Арселор Миттал Теміртау” акционерлік қоғамы Қазақстанның меншігіне өтеді. Бұл туралы Үкіметтің баспасөз қызметі хабарлады.
Хабарламада Үкіметтің аталған компанияның акционерлерімен алдын ала уағдаластыққа қол жеткізілгені және компанияның меншік құқығын Қазақстанға беруді көздейтін мәмілені рәсімдеу аяқталып қалғаны туралы айтылды.
Үкіметтің Telegram-каналында, сондай-ақ, Премьер-Министр Әлихан Смайыловтың төрағалығымен Қарағандыдағы Костенко атындағы шахтада болған апаттың себептерін тексеру және оның салдарын жою жөніндегі Үкіметтік комиссия құрылды.
Қайғылы жағдайға әкеп соққан шахтадағы өрт себептері жан-жақты тексеріледі. Сонымен қатар келтірілген залалды есептеу, қаза тапқандардың отбасылары мен зардап шеккендерге алғашқы көмек көрсету бойынша тиісті шаралар қабылланады.
JQ-Aqparat
Сурет: gov.kz