Аляскада Трамп пен Путин арасында келіссөз басталды

АҚШ-тың Аляска штатында күллі әлем көз тіккен кездесу басталды.
Президент Дональд Трамп ресейлік әріптесі Владимир Путинді әуежайда қарсы алды. Содан кейін екі басшылары келіссөз өтетін жерге келді. “
“Pursuing Peace” (Бейбітшілікке ұмтылу” деген ұранмен өтетін келіссөзде Украинадағы соғысты тоқтату әңгіме өзегіне айналуы тиіс.
Келіссөзге АҚШ тарапынан Мемлекеттік хатшы Марко Рубио, президенттің арнаулы өкілі Стивен Уиткофф, ал Ресейден сыртқы істер министрі Сергей Лавров, президент көмекшісі Юрий Ушаков қатысуда. Осыдан кейін келіссөз кеңейтілген құраммен жалғасады. Оған қорғаныс, қаржы министрлері қатысады деп күтілуде.
Алдын ала хабарланғандай, Аляскада қандай да бір құжатқа қол қойылмайды. Кезлесуден кейін президенттер баспасөз мәслихатын өткізеді.
JQ-Aqparat