Алматының көшесінде ирек жолақ көрсеңіз, таң қалмаңыз

Алматы көшелерінің бірінде ерекше жолақ пайда болды.
Алматыда Тілендиев көшесінде жаңа жолақ тест режимінде жұмыс істейді. Реттелмейтін жаяу жүргіншілер өткелдерінің алдында апатты жағдайдың алдын алу үшін арнайы ирек тәрізді таңба сызылды.
Мұндай сары жолақ бұл жерде басып озуға, кері жүруге, осы аймақта қайта  бұрылуға болмайтыны туралы қосымша дабыл ретінде қолданылып, жүргізушінің жаяу жүргіншілер жолағына жақындап келе жатқанын ескертеді.
Мұндай ирек таңба 1970-ші жылдары алғаш рет Ұлыбританияда, кейін басқа елдерде қолданыла бастады. Жолдағы ерекше жолақтар басқа жол белгілеріне қарағанда тиімділігін көрсетіп, жаяу жүргіншілер мен көлік иелерінің қауіпсіздігін арттыруға көмектескен көрінеді.

JQ-Aqparat