Алматыдағы көпқабатты үйдің паркингінде автокөлік өртенді

10 желтоқсан 2025, 9:34

Алматы қаласында, Бостандық ауданындағы Өтепов көшесінде, он алты қабатты тұрғын үйдің автотұрақ алаңында жеңіл көліктің өртенуі орын алды, деп хабарлайды jasqazaq.kz ТЖМ баспасөз қызметіне сілтеме жасап.

Жедел әрекет еткен өрт сөндірушілер көліктің өртенуін қысқа уақытта сөндіріді. Сондай-ақ құтқарушылар түтін шығаруды жүргізді. Зардап шеккендер жоқ. Өрттің себебі анықталады.

Желіде бұл үйдің құрылысшысы «Rams» компаниясы екені хабарланды. Сонымен қатар тұрғындар өрт дабылы жүйесі қосылмағанына наразылық білдірді.

«РАМС Қазақстан» компаниясы jasqazaq.kz сайтына құзырлы органдармен бірлесе әрекет етіп, жағдайды өз бақылауында ұстап отырғанын мәлімдеді.