Алматыда “Тендерлік биржа” басшысы қамауға алынды

26 қараша 2025, 19:16

Желіде «Тендерлік биржа» ЖШС басшысы Шынғыс Құрманғалиевтің Алматыда қамауға алынғаны туралы ақпарат тарады. Бұған қатысты қалалық полиция департаментінің баспасөз қызметі түсінік берді, деп хабарлайды jasqazaq.kz Tengrinews-ке сілтеме жасап.

Ведомство мәліметінше, тергеу басқармасының өндірісінде Қылмыстық кодекстің 190-бабының 3-бөлігі бойынша қылмыстық іс шын мәнінде тергеліп жатыр.

Полиция: «Күдікті К. азамат изоляторға қамауға алынды. Сот оған қатысты бұлтартпау шарасын қамауда ұстау түрінде санкциялады», – деп мәлімдеді.

Қылмыстық іс бойынша өзге деректер Қылмыстық-процестік кодекстің 201-бабының талаптарына сәйкес жария етілмейді.