Алматыдағы «Ақкент» ықшамауданындағы 16 қабатты үйде өрт шықты.
Алматы қалалық төтенше жағдайлар департаментінің мәліметінше, сағат 17:10-да ТЖД күш-құралдары Алатау ауданы «Ақкент» ықшамауданында орналасқан 54-ші үйге шұғыл аттанған. Өрт сөндірушілер оқиға орнына 6 минутта жетті. Олар 16 қабатты тұрғын үйдің 5-қабатындағы пәтер ашық жалынмен жанып жатқанын анықтады. Өрт сөндірушілер тұрғындарды шұғыл эвакуациялауға кірісті. Оқиға орнына 50 адам мен 14 техника жұмылдырылды.
Төтенше жағдайлар министрлігінің баспасөз қызметі қызыл жалын сағат 18:46 кезінде оқшауланып, сөндірілгенін хабарлады.
Үйдің 1 және 16 қабатында электр кабельдері жанған.
JQ-Aqparat
Суреттер: ТЖМ баспасөз қызметі