Алматы қаласының активі конституциялық реформаны талқылады

Алматыда конституциялық реформаны іске асыруға арналған кездесу өтті. Жиында қала әкімі Дархан Сатыбалды өзгерістердің негізгі басым бағыттарына тоқталды. Талқылауға мәслихат депутаттары, аудан әкімдері, басқарма басшылары және қалалық қызметтердің жетекшілері қатысты.

Мемлекет басшысы Қасым-Жомарт Тоқаевтың бастамасымен елімізде егемендікті нығайтуға, азаматтардың құқығы мен бостандығын қорғауға, заң үстемдігін қамтамасыз етуге және халықтың әл-ауқатын арттыруға бағытталған ауқымды конституциялық реформа жүргізіліп жатыр.

Қала әкімі жоба адами капиталды, білім беруді, ғылым мен инновацияны дамытуды стратегиялық бағыт ретінде бекітетінін атап өтті. Сонымен қатар азаматтардың басқару үдерісіне қатысу мүмкіндігі кеңейіп, жергілікті өзін-өзі басқарудың рөлі күшейтіледі, шешім қабылдау ашықтығы мен мемлекеттік органдардың жауапкершілігі артады. Түпкілікті шешім республикалық референдумда қабылданады.

JQ-Aqparat

Сурет: Алматы әкімінің баспасөз қызметі