Алматыда белгісіз адамдар мектептерге шабуыл жасаумен қорқытты: Полиция жағдай толық бақылауда екенін мәлімдеді

Әлеуметтік желіде Алматы қаласындағы мектептерге шабуыл жасалатыны туралы хабарламалар таралды. Алматы Полиция департаменті бұл ақпараттың  жалған екенін мәлімдеді, деп хабарлайды jasqazaq.kz. 

«Қазіргі уақытта қаладағы оқу орындарындағы жағдай толық бақылауда. Полиция мен басқа да жедел қызметтер күшейтілген режимде жұмыс істеп жатыр, балалар мен педагогтардың қауіпсіздігін қамтамасыз ету үшін барлық қажетті шаралар қабылдануда», – делінген хабарламада.

Жалған ақпаратты тарату фактісі бойынша жедел-іздестіру іс-шаралары басталды. Фейк хабарламаның авторы мен дереккөзі анықталуда.

«Оны таратумен байланысты тұлға заңнамаға сәйкес жауапкершілікке тартылады», – деп хабарлады Алматы қалалық Полиция департаменті.